د مسلمانانو د عالمانو نړیوالې اتحادئې په سوېډن کې د قرآن سپکاوی په کلکه وغنده
ایکنانیوز د عربی ۲۱ له قوله خپور ورکړی، د افراطي کسانو لهخوا د اسټکهم پر جومات له برید وروسته، د مسلمانانو د علماوو نړیوالې اتحادیې د مسلمانانو پر سپېڅلو ځایونو د بریدونو د درولو غوښتنه وکړه.
دې اتحادئې په خپلې اعلامیې کې دا اقدام یو غندل شوی او جنایتکار عمل وباله، چې د انساني ارزښتونو، الهي دینونو او نړیوالو اصولو سره په ټکر کې دی.
د مسلمانانو د علماوو نړیوالې اتحادئې همدارنګه د مسلمانانو د وضعیت او د هغوی د حقونو د جدي سرغړونو په اړه ژوره اندېښنه څرګنده کړه؛ هغه سرغړونې چې د ژوند، سپېڅلو ځایونو، حقونو او کرامت پر وړاندې یې په څو اروپايي هېوادونو کې منفي اغېز کړی دی. دې اتحادیې د نړۍ په کچه د مسلمانانو د احساساتو پرلهپسې پارونو ته هم اشاره وکړه.
د دې اسلامي بنسټ د اعلامیې په دوام کې، دا جنایت او همدارنګه د قرآن کریم د سپکاوي ټول موارد، توکمپالې حملې او ویناوې، د اسلام ضد پارونې او د کرکې خپرولو هغه جنایتونه چې مسلمانان په نښه کوي، په کلکه وغندل شول؛ هغه کړنې چې په وروستیو کلونو کې، په ځانګړي ډول په سوېډن او د اروپا په بېلابېلو هېوادونو کې، په زیاتېدونکي ډول ډېرې شوې دي.
دغې اتحادئې له اروپايي هېوادونو وغوښتل چې د دې ډول پارونو او جرمونو د مخنیوي لپاره جدي او پرېکنده ګامونه پورته کړي او د اسلام او نورو دینونو پر وړاندې د توکمپالنې او کرکې خپرولو پر ضد په کلکه مبارزه وکړي.
د اسلامضدو افراط پالو لهخوا د سوېډن د پلازمېنې اسټکهم پر یوه جومات د برید پر مهال، د قرآن کریم یوه نسخه وموندل شوه چې د زینو د دستې (نرده) سره په ځنځیر تړل شوې وه او شپږ د مرمیو نښې پرې لګېدلې وې.
د جومات مدیر محمود الخلیفي اناتولي خبري اژانس ته وویل: توکمپالې او اسلامضده حملې ورځ تر بلې زیاتېږي. هغه څرګنده کړه چې یو قرآن موندل شوی و، چې پر هغه په عربي او سوېډني ژبو لیکل شوي وو: «له تاسو سره په لیدو خوښ یو، خو د کور ته د تلو وخت مو رارسېدلی دی.
https://iqna.ir/fa/news/4324331
